ՀՀ ֆինանսների նախարարի տեղակալ Էդուարդ Հակոբյանի այցը Հնդկաստան

17 նոյեմբերի, 2023

2023թ. նոյեմբերի 14-16-ը ՀՀ ֆինանսների նախարարի տեղակալ Էդուարդ Հակոբյանը Նյու Դելիում մասնակցել է Ասիական զարգացման հիմնադրամի 14-րդ համալրման համատեքստում կայացած համաժողովին: Այցի շրջանակներում Է. Հակոբյանը հանդիպել է նաև Հնդկաստանի ֆինանսների նախարարի տնտեսական հարցերով քարտուղար-տեղակալ Աջայ Սեթի հետ: Հանդիպմանը քննարկվել են միջգերատեսչական գործնական և հեռանկարային համագործակցության, ինչպես նաև երկկողմ օրակարգի ֆինանսավարկային նախաձեռնությունների գործիքակազմին առնչվող հարցեր: ՀՀ ֆինանսների նախարարի տեղակալը զրուցակցին է ներկայացրել ՀՀ ընթացիկ տնտեսական զարգացումներն ու դրանց հետագա միտումները, տարբեր մարտահրավերների դիմագրավման ուղղությամբ ՀՀ կառավարության ջանքերը, այդ թվում՝ Լեռնային Ղարաբաղից բռնի տեղահանված անձանց աջակցության առաջնային կարիքների ապահովմանն ուղղված երկարաժամկետ և միջնաժամկետ ծրագրերը:
Հանդիպմանը, որին ներկա է եղել նաև Հնդկաստանի Հանրապետությունում ՀՀ արտակարգ և լիազոր դեսպան Վահագն Աֆյանը, անդրադարձ է եղել նաև երկու երկրների միջև համագործակցությանն առնչվող այլ կարևոր հարցերի, ներառյալ ներդրումների խթանումը և համատեղ տնտեսական նախագծերի իրականացումը: Պայմանավորվածություն է ձեռք բերվել համատեղ գործակցության առավել ընդլայնմանն ուղղված սերտ շփումների շարունակականության ապահովման և նախանշված ծրագրերի իրականացմանը միտված անհրաժեշտ հետևողականության ցուցաբերման ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր